ક્યાં ને કોની થઇ દિવાળી?, સૌ પ્રથમ તો એ કહો!
કોની કિસ્મત થઇ છે કાળી?, સૌ પ્રથમ તો એ કહો!
પંચાતીયું આ ગામ છે! પંચાત એનું કામ છે!
ક્યાં ખુલી ચર્ચાની લારી? સૌ પ્રથમ તો એ કહો!
કોણ કોનું લઇ ગયું? કોણ કોનું ખઈ ગયું?
કોની પોલો થઇ ઊઘાડી? સૌ પ્રથમ તો એ કહો!
દિવાલ આગળ કાન છે! આ જરૂરી કામ છે!
કોને ત્યાં કેટલી છે બારી! સૌ પ્રથમ તો એ કહો!
ઘર ઘર બધા ફરતાં હશે! ચર્ચા બધી કરતા હશે!
કોના છે શું હાલ આજે?? સૌ પ્રથમ તો એ કહો!
- 'સત્ય' શિવમ