ટોચ ઉપર
ઉભો હઈશ હું ટોચ ઉપર,સમય મારો પણ આવશે .
નકાર્યો જેણે મને ફકીરીમાં, સમય એને પણ નકારશે .
છોડી દીધો તો એકલો જેણે મને મજધારમાં ,
કસોટી એકલતાની સમય એને પણ બતાવશે .
અશક્તિનાં સંતાપમાં તું સશક્તિનો વિકાસ જો ,
તણખો હૃદયની આગનો જ્વાળા બનીને બતાવશે .
મળતી રહે આ યુધ્ધમાં સો હાર છો આમ જ મને ,
અડગ ઊભો રહીશ હું, જીત સો હર મહીથી આવશે .
હું અંશ તારો જ છું ખુદા તું તોડશે મુજને કેટલો ?
મુજ અડગ નિશ્ચયને જોઈ લજ્જા ય તુજ ને આવશે .
જીત ને હાર છે બે પાસા જીવનના ખેલમાં,
મહેનત કહો કે કો નસીબ હવે બાજી મારી પણ આવશે .
પામવા આ લક્ષ્યને આખી આયુ હું લડતો રહીશ ,
'સત્ય' નિશ્ચય અડગ વિશ્વાસ જીત મારી પણ લાવશે.
- 'સત્ય' શિવમ